ஆப்பிரிக்க நாடான காங்கோ குடியரசின் கிழக்கு பகுதியில் பரவி வரும் எபோலா (Ebola) வைரஸ் பாதிப்பிற்கு சிகிச்சை அளிப்பதற்காக அமைக்கப்பட்டிருந்த தற்காலிக மருத்துவ முகாம் ஒன்றை, உள்ளூர் மக்கள் சிலரே திட்டமிட்டுத் தீயிட்டுக் கொளுத்தியுள்ளனர். இத்துயரமான சம்பவம் காங்கோவின் இட்டூரி (Ituri) மாகாணத்தில் உள்ள மோங்ப்வாலு (Mongbwalu) நகரில் வெள்ளிக்கிழமை இரவு அரங்கேறியுள்ளது. இந்தத் திடீர் தீ வைப்புத் தாக்குதலால் ஏற்பட்ட பயம் மற்றும் குழப்பத்தைப் பயன்படுத்தி, அங்கு தீவிர மருத்துவக் கண்காணிப்பில் வைக்கப்பட்டிருந்த எபோலா சந்தேகப் பாதிப்பு நோயாளிகள் முகாமிலிருந்து தப்பியோடி தலைமறைவாகியுள்ளனர்.
‘எல்லைகளற்ற மருத்துவர்கள்’ (Doctors Without Borders) என்ற சர்வதேச மனிதநேய அமைப்பால் எபோலா நோயாளிகளைக் கண்டறிந்து தனிமைப்படுத்துவதற்காக இந்த பிரத்யேக சிகிச்சை கூடாரம் அமைக்கப்பட்டிருந்தது. மர்ம நபர்கள் இந்த கூடாரத்திற்குத் தீ வைத்தவுடன், உள்ளே இருந்த மருத்துவப் பணியாளர்கள் மற்றும் நோயாளிகள் அலறியடித்துக் கொண்டு வெளியே ஓடினர். இதுகுறித்து அப்பகுதி பொது மருத்துவமனையின் இயக்குனர் டாக்டர் ரிச்சர்ட் லோகுடி கூறுகையில், இந்த வன்முறைச் செயலைத் தாங்கள் வன்மையாகக் கண்டிப்பதாகவும், தப்பியோடிய 18 நபர்கள் மூலம் தற்போது பொதுமக்களிடையே இந்த கொடிய வைரஸ் மிக வேகமாகப் பரவும் பேராபத்து உருவாகியுள்ளதாகவும் கவலை தெரிவித்துள்ளார்.
காங்கோவில் ஒரே வாரத்திற்குள் எபோலா சிகிச்சை மையம் மீது நடத்தப்படும் இரண்டாவது கொடூரத் தாக்குதல் இதுவாகும். இதற்கு முன்னதாக, கடந்த வியாழக்கிழமை அன்று ரவாம்பரா (Rwampara) என்ற நகரில் இருந்த மற்றொரு சிகிச்சை மையத்தையும் உள்ளூர் மக்கள் தீயிட்டுக் கொளுத்தினர். எபோலா பாதிப்பால் உயிரிழப்பவர்களின் உடல்களில் வைரஸ் கிருமிகள் தீவிரமாக இருக்கும் என்பதால், உலக சுகாதார அமைப்பின் விதிமுறைப்படி உறவினர்களிடம் உடலை ஒப்படைக்காமல் அதிகாரிகளே அடக்கம் செய்கின்றனர். தங்களின் மதச்சடங்குகளின்படி இறுதிச்சடங்கு செய்ய முடியாததால் ஆத்திரமடைந்த குடும்பத்தினரும், உள்ளூர் இளைஞர்களும் சேர்ந்தே இந்த வன்முறைகளில் ஈடுபட்டு வருவதாகக் கூறப்படுகிறது.
காங்கோவில் தற்போது பரவி வருவது ‘புண்டிபுகியோ’ (Bundibugyo) எனப்படும் மிகவும் அரிய வகை எபோலா வைரஸ் ஆகும், இதற்கு இதுவரை எந்தவொரு தடுப்பூசியும் (Vaccine) கண்டுபிடிக்கப்படவில்லை என்பது நிலைமையை மேலும் சிக்கலாக்கியுள்ளது. தற்போது காங்கோவில் பேருக்கு எபோலா பாதிப்பு அதிகாரப்பூர்வமாக உறுதி செய்யப்பட்டுள்ள போதிலும், அங்கு -க்கும் மேற்பட்ட சந்தேகப் பாதிப்புகளும், மரணங்களும் ஏற்பட்டுள்ளதாக உலக சுகாதார அமைப்பு (WHO) எச்சரித்துள்ளது. இதனால், காங்கோவிற்கான உலகளாவிய சுகாதார ஆபத்து அளவை ‘மிகவும் அதிகம்’ (Very High) என்ற நிலைக்கு உயர்த்தி, பேருக்கு மேல் மக்கள் கூடுவதற்கும் இறுதிச்சடங்கு ஊர்வலங்களுக்கும் அந்நாட்டு அரசு அதிரடித் தடை விதித்துள்ளது.
