அமெரிக்காவின் அலாஸ்கா மாகாணத்திற்கு உட்பட்ட பெரிங் கடல் பகுதியில் மீன்பிடிக்கச் சென்ற போது படகு கவிழ்ந்து விபத்துக்குள்ளானதில், 15 வயதுச் சிறுவன் கவிழ்ந்த படகைப் பிடித்தபடி இரு நாட்கள் கொடூரக் குளிரில் போராடி உயிருடன் மீட்கப்பட்டுள்ளான்; இருப்பினும் அவனுடன் சென்ற அவனது மூத்த சகோதரனும் மைத்துனரும் பரிதாபமாக உயிரிழந்தனர்.
அலாஸ்காவின் செயிண்ட் லாரன்ஸ் தீவிலிருந்து (St. Lawrence Island) கடந்த வெள்ளி அன்று 18 அடி நீள சிறிய மீன்பிடிப் படகில் 15 வயதுச் சிறுவன், அவனது அண்ணன் மற்றும் மைத்துனருடன் கடலுக்குச் சென்றுள்ளான். ஞாயிறு அதிகாலை அவர்கள் கரை திரும்ப வேண்டிய நிலையில், படகு வராததால் அதிர்ச்சியடைந்த குடும்பத்தினர் அலாஸ்கா கடலோரக் காவல் படைக்குத் தகவல் தெரிவித்தனர். ஆர்க்டிக் பகுதியின் மோசமான வானிலை மற்றும் பனிமூட்டம் காரணமாகத் தேடுதல் பணி தற்காலிகமாகத் தாமதமானது.
அதன்பின், திங்கள்கிழமை மதியம் கடலோரக் காவல் படையின் ‘HC-130’ கண்காணிப்பு விமானம் ரோந்து சென்றபோது, கரைக்கு 4 மைல் தொலைவில் கவிழ்ந்த நிலையில் மிதந்த படகைப் பிடித்துக் கொண்டு சிறுவன் ஒருவன் தவிப்பதைக் கண்டறிந்தது. உடனடியாக அப் பகுதிக்கு அருகே வந்த ‘நார்த்வெஸ்ட் எக்ஸ்புளோரர்’ (Northwest Explorer) என்ற வணிகக் கப்பலுக்குத் தகவல் தெரிவிக்கப்பட்டு, அப்போதே உறைபனி நீரில் ஆபத்தான கட்டத்திலிருந்த (Hypothermia) சிறுவனை மீட்புக் குழுவினர் பத்திரமாக மீட்டனர்.
எனினும், சிறுவனுடன் சென்று நீரில் மூழ்கிய அவனது அண்ணன் மற்றும் மைத்துனரின் உடல்கள் உயிரிழந்த நிலையில் கடலில் இருந்து கண்டெடுக்கப்பட்டன. உறவின இருவரைப் பறிகொடுத்த சோகத்திலும், உறைபனிக் கடலில் 2 நாட்களாகக் கவிழ்ந்த படகைப் பிடித்தபடித் தளராமல் போராடி உயி பிழைத்த 15 வயது சிறுவனின் மன தைரியத்தைக் கண்டு மீட்புக் குழுவினரும் கடலோரக் காவல் படையினரும் வியந்து பாராட்டியுள்ளனர்.
அலாஸ்கா படகு விபத்து 2026, பெரிங் கடல் சிறுவன் உயிருடன் மீட்பு, Alaska Bering Sea Boat Capsize September 2026, 15 Year Old Boy Survives Bering Sea Capsized Boat, Alaska Coast Guard St Lawrence Island Rescue, Boy Clings To Overturned Boat Brother Cousin Die, World News Tamil, International News Tamil`
—
