காரிருள் சூழ்ந்த நள்ளிரவு வானம். ஈரானின் எல்லைக்குள் அதிநவீன அமெரிக்க F-15 fighter jet ஒன்று ஒலியை விட வேகமாய் சீறிப்பாய்ந்து கொண்டிருக்கிறது. திடீரென அந்தப் போர்விமானத்தின் ரேடார் திரைகள் பித்துப்பிடித்தது போல் அலறுகின்றன. அக்வாரிஸ்ட் கண்ணாடித் தொட்டிக்குள் மிதக்கும் ஜெல்லிஃபிஷ் மீனைப் போல, விண்வெளியில் ஒரு விசித்திரக் கட்டமைப்பு அந்த அமெரிக்கப் பைலட்டின் கண்களுக்கு முன்னால் தோன்றுகிறது. ஒன்றுடன் ஒன்று பிணைக்கப்பட்டு, ஒரு ராட்சத உயிரினத்தைப் போல நகரும் நூற்றுக்கணக்கான ஈரானிய ட்ரோன்கள்! மேலே ஒரு மாபெரும் முதன்மை ட்ரோன், அதற்கு கீழே கால்களைப் போல தொங்கிக்கொண்டிருக்கும் சிறிய குட்டி ட்ரோன்கள். “நிஜமாகவே ஏலியன் தொழில்நுட்பம் போல இருந்தது” எனப் பிற்காலத்தில் உறைந்துபோய் அந்தப் பைலட் விவரிக்கும் அளவிற்கு, ஒரு மெய்சிலிர்க்க வைக்கும் நிழல் உலகக் காட்சி அது!
அந்த விசித்திர drone swarm விநாடிப் பொழுதில் ஒரு ராட்சத வலைப் பின்னலாக மாறி, அமெரிக்க விமானத்தைச் சூழ்ந்து கொள்கிறது. அடுத்த கணமே, கண்ணிமைக்கும் நேரத்தில் நிகழ்ந்த அந்தப் பயங்கரத் தாக்குதலில் பல மில்லியன் டாலர் மதிப்புள்ள அதிநவீன போர்விமானம் சுக்குநூறாக உடைந்து நொறுங்குகிறது. விமானம் வெடிப்பதற்கு சில மைக்ரோ விநாடிகளுக்கு முன்பு, பைலட் பாராசூட் மூலம் ஈரானின் அடர்ந்த, செங்குத்தான மலைப்பகுதிக்குள் குதித்து உயிர் தப்புகிறார். அத்தோடு முடிந்துவிடவில்லை அந்தத் த்ரில்லர்! தலையில் பலத்த காயமடைந்து, சுயநினைவை இழக்கும் நிலையிலும், எதிரி நாட்டு ராணுவத்திடம் சிக்கக் கூடாது என்பதற்காக அந்தப் பைலட் சுமார் 36 மணிநேரம், 70 மைல் தூரம் பசி, தாகத்தோடு அந்த மரணப் பள்ளத்தாக்குகளில் ஓடி ஒளிகிறார்.
அமெரிக்கப் பைலட் ஈரானிய மண்ணில் உயிருடன் சிக்கினால் அது உலகப்போராக வெடிக்கும் என்ற இக்கட்டான நிலை! ஒட்டுமொத்த அமெரிக்கப் பாதுகாப்புத் தலைமையகமான பென்டகனும் பதற்றத்தின் உச்சத்துக்கே செல்கிறது. அவரை மீட்க, வரலாற்றில் இல்லாத அளவிலான ஒரு மாபெரும் உயிர்காப்பு வேட்டை (rescue operation) நள்ளிரவில் தொடங்குகிறது. அமெரிக்காவின் special forces கமாண்டோக்கள் களமிறக்கப்படுகிறார்கள். 64 அதிநவீன போர்விமானங்கள், 48 எரிபொருள் நிரப்பும் டாங்கர்கள், 3 ஹெலிகாப்டர்கள் என மொத்தம் 155 போர் விமானங்கள் ஈரானின் வான்பரப்பைச் சூழ்ந்து கொண்டு, அந்தப் பைலட்டையும் அவரது சக அதிகாரியையும் மரணத்தின் விளிம்பிலிருந்து மீட்கும் அந்த ஆபரேஷன், நெஞ்சை உலுக்கும் ஒரு ஹாலிவுட் ஆக்ஷன் படத்தின் உச்சக்கட்டக் காட்சி!
தற்போது மீட்கப்பட்ட அந்தப் பைலட்டிடம் நடத்தப்பட்ட ரகசிய வாக்குமூலம் ஒட்டுமொத்த அமெரிக்க intelligence community வட்டாரத்தையும் உலுக்கியெடுத்துள்ளது. “நான் பார்த்தது வெறும் ட்ரோன்கள் அல்ல, அவை ஒன்றோடொன்று பேசிக்கொண்டு நகர்ந்தன!” என அவர் கூறியதை, விபத்தில் ஏற்பட்ட மூளைக் காயத்தின் மாயத்தோற்றம் என்று சிலர் கடந்து செல்ல முயன்றாலும், பென்டகனின் தூக்கம் தொலைந்துள்ளது. நவீன electronic warfare விதிகளை முற்றிலுமாக உடைக்கும் இந்த “ஒன்-டு-மெனி மெஷ்டு நெட்வொர்க்கிங்” தொழில்நுட்பத்தை ஈரானுக்கு சீனா அல்லது ரஷ்யா வழங்கியிருக்கலாம் என்ற அதிரடி சந்தேகம் எழுந்துள்ளது. இந்தத் த்ரில்லர் யுத்தத்தில் அந்தப் பைலட் ஈரானியப் படைகளால் சுட்டு வீழ்த்தப்படுவது இது இரண்டாவது முறை என்பது, இந்தத் tactical execution மர்மத்தின் ஆழத்தை மேலும் கூட்டுகிறது!
