தமிழ்நாட்டில் 13 ஆண்டுகளுக்குப் பிறகு ஆட்டோ கட்டணங்களை உயர்த்திக் போக்குவரத்துத் துறை அரசாணை வெளியிட்டுள்ளது. இதன்படி முதல் 1.8 கிலோமீட்டர் தூரத்திற்கான குறைந்தபட்சக் கட்டணம் ரூ.25-லிருந்து ரூ.50 ஆக உயர்த்தப்பட்டுள்ளது. மேலும், அடுத்தடுத்த ஒவ்வொரு கிலோமீட்டருக்கும் கூடுதல் கட்டணமாக ரூ.12-க்கு பதிலாக ரூ.25 நிர்ணயிக்கப்பட்டுள்ளது. இரவுக் நேரப் பயணங்களுக்கு (இரவு 10 மணி முதல் அதிகாலை 5 மணி வரை) வழக்கமான கட்டணத்திலிருந்து 1.5 மடங்கு கூடுதல் கட்டணமும், காத்திருப்புக் கட்டணமாக நிமிடத்திற்கு ரூ.1-ம் நிர்ணயம் செய்யப்பட்டுள்ளது.
அரசு மீட்டருக்கான ஆட்டோ கட்டணத்தை உயர்த்தியுள்ளதால், ரேபிடோ (Rapido), ஊபர் (Uber), ஓலா (Ola) போன்ற செயலி வழி ஆட்டோ சேவை நிறுவனங்களும் தங்களின் கட்டணங்களை உயர்த்துமா என்ற கேள்வி பயணிகள் மத்தியில் எழுந்துள்ளது. தற்போது ஆப் நிறுவனங்கள் தூரம் மற்றும் போக்குவரத்து நெரிசலை அடிப்படையாகக் கொண்டு நெகிழ்வுத் தன்மையுடைய கட்டணத்தை (Dynamic pricing) வசூலித்து வருகின்றன. புதிய அரசு கட்டண வழிகாட்டுதல்களின்படி செயலி நிறுவனங்களின் அடிப்படை ஆட்டோ கட்டணங்களும் மாற்றியமைக்கப்பட வாய்ப்புள்ளதாக ஆட்டோ ஓட்டுநர்கள் சங்கம் கருத்து தெரிவித்துள்ளது.
நீண்ட நாட்களாகக் நிலுவையில் இருந்த ஆட்டோ கட்டண உயர்வு முடிவுக்கு ஓட்டுநர்கள் வரவேற்பு தெரிவித்துள்ள அதேவேளையில், பயணிகள் கூடுதல் செலவீனங்கள் குறித்துக் கவலை தெரிவித்துள்ளனர்.
அரசு நிர்ணயித்துள்ள புதிய மீட்டர்க் கட்டணங்களைச் செயலி நிறுவனங்களும் முறைப்படுத்தி அமல்படுத்த வேண்டும் என்ற கோரிக்கையை ஆட்டோ சங்கங்கள் முன்வைத்துள்ளன.
அரசு வெளியிட்டுள்ள அரசாணையின்படி புதிய ஆட்டோ மீட்டர்க் கட்டணங்கள் மாநிலம் முழுவதும் உடனடியாக அமலுக்கு வந்துள்ளன.
செயலி வழி நிறுவனங்களின் ஆட்டோ கட்டண மாற்றம் குறித்த அறிவிப்புகள் மற்றும் ஆட்டோ மீட்டர்களைப் புதிய கட்டணத்திற்கு ஏற்ப மாற்றியமைக்கும் பணிகள் விரைவில் தொடங்கும் என எதிர்பார்க்கப்படுகிறது.
