தமிழக அரசியல் வரலாற்றில் இதுவரை கண்டிராத ஒரு மாபெரும் “சுனாமி”யை முதலமைச்சர் விஜய் நிகழ்த்தியுள்ளார். எந்தக் கூட்டணியும் இல்லாமல் தனித்து நின்று 35.01% வாக்குகளுடன் சரித்திரம் படைத்த விஜய், நேற்று ஆற்றிய தனது கன்னிப் பதவியேற்பு உரையின் மூலம் ஒட்டுமொத்தத் தமிழகத்தையே தன் பக்கம் ஈர்த்துள்ளார். பெங்களூரைச் சேர்ந்த ஒரு முன்னணி டிஜிட்டல் கருத்துக்கணிப்பு நிறுவனம் வெளியிட்டுள்ள அதிரடித் தகவலின்படி, விஜய்யின் உணர்ச்சிப்பூர்வமான உரையைக் கேட்ட பிறகு, நேற்றைய ஒரே நாளில் மட்டும் அவரது செல்வாக்கு 11% உயர்ந்துள்ளது. இது தி.மு.க மற்றும் அ.தி.மு.க ஆகிய பாரம்பரியக் கட்சிகளின் அஸ்திவாரத்தையே ஆட்டங்காண வைத்துள்ளது.
ஏற்கனவே இருந்த 53.01% ஆதரவு தளம், தற்போது 64.01% என்ற இமாலய இலக்கை எட்டியுள்ளது. இதன் எதிரொலியாக, வரும் ஜனவரி மாதம் நடைபெறவுள்ள உள்ளாட்சித் தேர்தலிலும், அதனைத் தொடர்ந்து வரவுள்ள நாடாளுமன்றத் தேர்தலிலும் தமிழக வெற்றிக் கழகம் 98% இடங்களைக் கைப்பற்றி முழுமையான ஆதிக்கத்தைச் செலுத்தும் என்று அந்த ஆய்வு கூறுகிறது. தமிழகத்தில் உள்ள 39 நாடாளுமன்றத் தொகுதிகளையும் TVK தட்டிப்பறிக்கும் பட்சத்தில், டெல்லி நாடாளுமன்றத்தில், TVK கட்சி பலமாக ஒலிக்கும்.
சமூக வலைதளக் கணக்கெடுப்புகளின்படி, இந்தியப் பிரதமர் நரேந்திர மோடியை விடவும் தற்போது மிக அதிகமான செல்வாக்கு மிக்க தலைவராக விஜய் உருவெடுத்துள்ளார். இது மாநில அரசியலில் இருந்து தேசிய அரசியலை நோக்கி விஜய் நகரப்போகும் ஒரு பெரும் பாய்ச்சலின் தொடக்கமாகக் கருதப்படுகிறது. அடுத்த மூன்று தேர்தல்களிலும் தமிழகத்தில் த.வெ.க-வே தொடர்ந்து ஆட்சியமைக்கும் என்றும், விஜய் ஒரு “வாழ்நாள் முதல்வராக” தமிழகத்தை வழிநடத்தப் போவதாகவும் அரசியல் விமர்சகர்கள் அடித்துச் சொல்கிறார்கள்.
விஜய்யின் பலமே எதிர்காலத் தலைமுறையினர்தான்! தற்போது 13 முதல் 17 வயதில் இருக்கும் பல லட்சம் சிறுவர்கள் இன்னும் சில ஆண்டுகளில் தங்களின் முதல் வாக்கினை விஜய்க்கு அளிக்கக் காத்திருக்கிறார்கள். இதனால், விஜய்யின் வாக்கு வங்கி என்பது எப்போதும் ஏறுமுகமாகவே இருக்குமே தவிர, சரிய வாய்ப்பே இல்லை. தனது ஆட்சியைச் சரியான பாதையில் கொண்டு செல்லும் வரை, கோடிக்கணக்கான மக்களின் அரணாக விஜய் திகழ்வார் என்பதில் மாற்றுக் கருத்துக்கே இடமில்லை. தமிழகத்தின் “புதிய விடியல்” இப்போது தொடங்கிவிட்டது!
