தமிழ்நாட்டின் தற்போதைய பொருளாதாரச் சூழல் மற்றும் நிதிப் பற்றாக்குறை குறித்துத் தமிழக வெற்றிக் கழக அரசு வெளியிட்டுள்ள வெள்ளை அறிக்கையைச் சாக்குப்போக்காகப் பயன்படுத்தாமல், மாநிலத்தைக் கடன் சுமையிலிருந்து மீட்க உடனடியாக நிபுணர் குழுவை அமைக்க வேண்டும் என ‘வீ தி லீடர்ஸ்’ அமைப்பின் நிறுவனரும் முன்னாள் பாஜக தலைவருமான கே. அண்ணாமலை முதலமைச்சர் ச. ஜோசப் விஜய்க்குத் திடீர் கோரிக்கை விடுத்துள்ளார். கடந்த ஆட்சிக் காலங்களின் நிதி நிர்வாகத்தைச் சுட்டிக்காட்டும் வெள்ளை அறிக்கை வெறும் பிரசார ஆவணமாக மாறிவிடக் கூடாது என்றும் அவர் எச்சரித்துள்ளார்.
தமிழக அரசு அண்மையில் வெளியிட்ட வெள்ளை அறிக்கையின்படி, மாநிலத்தின் நேரடிக் கடன் சுமை சுமார் ₹10 லட்சம் கோடியை எட்டியுள்ளதுடன், பொதுத்துறை நிறுவனங்களின் கடன்களையும் சேர்த்தால் ஒட்டுமொத்தப் நிதிச் சுமை ₹13.18 லட்சம் கோடியாக உயர்ந்துள்ளது அதிர்ச்சியை ஏற்படுத்தியுள்ளது. மாநிலத்தின் மொத்த வருவாயில் சுமார் 22.8 சதவீதம் வட்டி செலுத்துவதற்கே செலவிடப்படும் மோசமான நிலைக்குத் தமிழ்நாடு தள்ளப்பட்டுள்ளதாக அண்ணாமலை சுட்டிக்காட்டியுள்ளார்.
இந்த நிதி நெருக்கடியைச் சுட்டிக்காட்டி நிருவாகத் தாமத நியாயங்களைக் கூறாமல், பொருளாதாரத்தை மீட்டெடுக்கத் தொலைநோக்கு திட்டங்களை உடனடியாகச் செயல்படுத்த வேண்டும் என அவர் வலியுறுத்தியுள்ளார். இதற்காகப் பொருளாதார நிபுணர்கள், பேராசிரியர்கள் மற்றும் தொழில் துறை வல்லுநர்கள் அடங்கிய உயர்மட்ட ஆலோசனைக் குழுவை (Expert Consultation Panel) அமைத்து, சாதாரண மக்களுக்குப் பாதிப்பு இல்லாத வகையில் வருவாயைப் பெருக்கும் திட்டங்களை உருவாக்க வேண்டும் என விஜய்க்கு அவர் யோசனை தெரிவித்துள்ளார்.
மேலும், வரும் 2031-ஆம் ஆண்டிற்குள் தமிழ்நாட்டின் உழைக்கும் வேலைவாய்ப்பு மக்கள் தொகை சுருங்கத் தொடங்கும் என்பதால், அரசிற்கு நிதி நிலையைச் சீரமைக்கக் மிகக் குறுகிய கால அவகாசமே உள்ளது என்றும் அண்ணாமலை எச்சரித்துள்ளார். தமிழ்நாட்டின் நிதிச் வீழ்ச்சியைத் தடுக்கவும், தொழில் முதலீடுகளை ஈர்க்கவும் தவெக அரசு திறம்படச் செயல்பட வேண்டும் என அவர் விடுத்துள்ள இந்தக் கோரிக்கை அரசியல் வட்டாரத்தில் கவனத்தைப் பெற்றுள்ளது.
